කූඩුවේ ඉඩ මදියි ලත වුණා
සුව පහසු උණුසුමත් ඇති වුණා
නිල් අහස ගැන සිහින රජ වුණා
තටු විදා පියඹන්න සිත් වුණා
තටු ලැබුණු කල අහස වෙත ගියා
මිතුරු විහඟුන් සිටින තැන් සොයා
සිත් තුටින් සුළඟ හා මුසු වෙලා
සුදු වළාමතින් පියඹමී සිතා
ටික දුරක් යන කලෙක ඉගිළිලා
කොහේ යම්ද තවත් දුර පියඹලා
අහසේ මැද මහා පැවරු ඉදි වෙලා
කටු කම්බි සැම තැනම විසිරිලා
කටු කම්බි අතරින් මා රිංගලා
යන කලෙක කටු අතර ඇමිණිලා
සුදු තටු අතර රුහිරු මල් ඉහිරිලා
තව යන්න වාරු නෑ තටු සිඳිලා
නිල් අහස ගැන සිහින ඉහිරිලා
වරු ගෙන යන කලෙක ඉගිළිලා
මිතුරු විහඟුන් කොහෙද විසිරිලා
උන් ගිහින් දුර ඈත වෙන්වෙලා
thawama natha un wenwela..atha sita oba ena thura bala hidinawa un..waru nathi bawa sithunath thawama atha saviya oba laga..penena hasthayak sawiya denamuth obata eya nopenei nowetahei....
ReplyDelete